Liburu ibiltaria

Liburu Ibiltaria deritzon egitasmoa ikastolen jaiek era bateratuan garatzen duten jarduera programatik abiatzen da. Aurtengoa hirugarren edizioa izango dugu eta urtarrilean abiarazi dute Ondarruko Zubi Zahar Ikastolan, 2023ko IBILALDIA festa antolatzen ari den ikastolan, hain zuzen.

Aurreko edizioetan egin den modu berean, ikastolen jaien antolatzaile diren ikastolez gain beste hainbatek hartuko dute parte. Izan ere Euskal Herri luze zabaleko 24 ikastoletako DBH 3ko ikasleak arituko dira sormena eta elkarlana oinarri dituen ekimen honetan, eta hortaz, ehunaka egile izango ditu aurten ere liburuak kontatuko digun istorioak.

Liburuari amaiera Nafarroan emango zaio, aurtengo Nafarroa Oinezen antolatzaile den Andra Mari ikastolan hain zuzen . Liburua ikusgai izango da urriaren 8an, Oinez egunean, Etxarriko Ikastolan bertan.