Etxarri Aranazko ikastolako ikasleekin topaketa eta herritarrendako jarduera osagarria prestatu ditu Euskaltzaindiak, Nafarroa Oinez egitasmoarekin elkarlanean
Heldu den irailaren 24ean igandean, “Erronka Txikia” izeneko kirol proba eginen da Etxarriko plazan goizeko 10:00etan hasita.
Irailaren 9tik 16ra bitarte 7 saio eskainiko ditu Iker Galartzak gidatzen duen Gure Zirkuak Nafarroa Oinezekin elkarlanean. Bertaratu diren guztiek bat egin dute esatean fantasiazko mundu magiko batean murgildu direla. Eskerrik asko Gure Zirkua, 2 orduko irribarrearengatik!
Tanta Euskal Herriko berezko hezkuntza proiektuaren aldeko elkartasun adierazpena da, herritarrek Euskal Herriko ikastolen proiektuaren alde ekarpena eginez egikaritzen dena. Ekimena ikastolen jaiek antolatzen dute, elkarlanean eta auzolanean, eta urtero, ehunka mila lagunek adierazten dute, tantaz-tanta, Ikastola proiektuarekiko elkartasuna.
Orotara, 35 lan aurkeztu dituzte Euskal Herriko Ikastolen III. Komiki Lehiaketara. 14 eta 16 urte bitarteko ikasleei dago zuzendua, eta Euskal Herriko Historiaren pasarte bat gaitzat hartuta, hura komikira eraman behar dute parte-hartzaileek. Hirugarren ekitaldi honetarako aukeratutako gaia Euskara Batua izan da. Ikastolen Jaiek, elkarlanean, antolatutako ekimena da berau.
Musika Joseba Tapiak egin du, eta letraz Maddalen Arzallus arduratu da. Euskararen ofizialtasuna Nafarroa osora zabaltzeko aldarria egiten du abestiak. Nahiz trikitilaria izan den musika konposatu duena, 5 emakumek abesten dute: Olaia Inziarte, Nerea Erbiti, eta Maider Ansa nafarrek; eta Leire Letu eta Kristina Aranzabe gipuzkoarrek.
