2023/04/19
Andra Mari Ikastolak apirilaren 22an burutzea aurreikusten zuen oztopo proba, tamalez, bertan behera geratu da, bere egunean finkatutako gutxieneko partaidetza lortu ez delako.
Data duela hilabeteak finkatu bazen ere, jakina da udaberritik aurrera Euskal Herri luze zabalean hamaika jarduera, ekintza eta ekimen antolatzen direla eta hala izanik, beste deialdi eta jarduera batzuekin bat egin du gure oztopo probak.
Proba beste data batean ospatzeko aukera aztertuta, oraingoan gertatu den bezala beste deialdi batzuekin bat egingo lukeela ikusi dugu, eta hortaz, ez dugu uste data egokiarekin asmatuko genukeenik.
Gauzak honela, Nafarroa Oinez 2023 antolatzen ari garen Andra Mari Ikastolako kideok zinez eta bihotz-bihotzez eskertu nahi ditugu oztopo proba antolatzearren laguntza eskatuta, ondoan izan dugun ororen ekarpena eta jarrera. Ildo beretik eskertu nahi ditugu parte hartzeko izena eman duten lagunak. Eskerrik asko guzti-guztiei!!!
Datozen hilabeteetan beste hamaika jarduera burutuko dira, urriaren 8an Nafarroa Oinez eguna ospatuko dugu. Beso zabalik hartuko zaituztegu bidean zein Oinez egunean.
