Nafarroa Oinez Kanta

BIDEAN BAT GARA

Hitzak: Hasier Larretxea

Vianan marraztutako mapa
Ebrotik dator garizko algara,
harrizko bide,
labanda usainezko egusenti.

Jantzita zapata berriak,
olio koloreko mintzo zaharra,
mahats-hostozko bidean,
zerua ukitzen da.

Herritik mundura, eskura euskara
Nafarroa Oinezen taupada ta algara.
Herritik mundura, eskura euskara
Nafarroa Oinezen bidean bat gara.

Mugaldeko taupada
eskuen irrian
ereindako hazia
zabalagoa da.

Sustrai finkoetan beti
loratuko da edertasuna.

Herritik mundura, eskura euskara
Nafarroa Oinezen bidean bat gara (bis)

Hegotik iparrera, lau haizetara
Euskaraz bidean bat gara!

Herritik mundura, eskura euskara
Nafarroa Oinezen bidean bat gara, (bis)