Lizarra Ikastola

AMETS BATEN HASIERA

Lizarra Ikastolak 1970eko irailaren 29an ekin zion bere ibilbideari, Lizarrako Udalak utzitako pilotalekuko gela batean, 25 ikaslerekin. Familien talde baten bultzadari eta hainbat erakunderen laguntzari esker sortu zen proiektua.

1973an, eskolak Nafarroa kaleko 1. zenbakiko lokal batera lekualdatu ziren, familiek mailegu bidez erositakora. 1977an, familiek Lizarra Ikastola Irakaskuntza eta Kontsumo Kooperatiba sortu zuten, eta Lehen Hezkuntzako gelak Eskolapioen ikastetxe eta komentu zaharrera eraman zituzten.

LANA ETA GIZARTE-FUNTZIOA

1980ko hamarkadaren hasieran, Lizarra Ikastolak berrikuntza pedagogiko eta administratiboari ekin zion, eta gizartearekiko harremana sendotu zuen, tradizioak berreskuratuz eta ekimen ekonomikoak bultzatuz. 1982an, Oinarrizko Hezkuntzako 12 gela zituen, eta aitzindaria izan zen gaztelania nagusi zen ingurune batean euskarazko murgiltze-eredua ezartzen. 1985ean, familiek Eskolapioen ikastetxe zaharra eta haren lursaila erosi zituzten. Batzarrean hartutako erabakiak % 99,5eko babesa jaso zuen, eta urte hartako Nafarroa Oinezen bidez bildutako diruak bultzada handia eman zion proiektuari.

AMETS ZAHAR BAT EGIA BIHURTUTA

Ikastola berria eraikitzeko lanak 1989an hasi ziren. Finantzaketa Nafarroako Gobernuaren ekarpenari, Kutxak emandako maileguari eta 1990ean Lizarran «Ezina Ekinez Egina» lelopean ospatutako Nafarroa Oinez jaian bildutako diruari esker lortu zen. 1991n ikastola berria inauguratu zen. Ondoren, 1996an DBH ezarri zen, eta 1999an 0-3 urte bitarteko haurrentzako Lizarra Ikastolako Haur Eskola jarri zen martxan.

AUZOLANEAN

Lizarra Ikastolak sormena, ezagutzaren transmisioa eta espiritu kritikoa sustatu ditu beti, zaintza-giroan eta auzolanaren balioa oinarri hartuta.

• 1970 – Lizarra Ikastolako lehen eskolak, udal pilotalekuko gela batean.
• 1973 – Nafarroa kaleko 1. zenbakiko lokala erostea.
• 1977 – Lizarra Ikastola Irakaskuntza eta Kontsumo Kooperatiba sortzea.
• 1982 – Oinarrizko Hezkuntzako 12 gelaren legeztatzea.
• 1985 – Eskolapioen ikastetxe zaharra eta haren lursaila erostea.
  LEHENENGO NAFARROA OINEZ
• 1989 – Ikastola berria eraikitzeko lehen lanak.
• 1990 – BIGARREN NAFARROA OINEZ
• 1991 – Lizarra Ikastola berria inauguratzea.
• 1995 – DBH eredua ezartzea.
• 1999 – Lizarra Ikastolako Haur Eskola martxan jartzea.
• 2003 – Brontzezko Q kalitate-zigilua.
• 2004 – HIRUGARREN NAFARROA OINEZ
• 2005 – Europako Bikaintasuna (400+ Zilarra).
• 2008 – Hezkuntza Ministerioaren Bizikidetza Praktika Egokien Sari Nazionala.
• 2009 – Europako Bikaintasun Ziurtagiria (500+ Urrea).
  Nafarroako Gobernuaren Oinarrizko Gaitasunen Berrikuntza Proiektuaren saria.
• 2014 – Ikasgelak eta ikasleak digitalizatzea.
• 2016 – Haur Hezkuntzan konfiantzaren pedagogia berria ezartzea.
• 2017 – Erasmus+ lankidetza-proiektuaren lehen esperientzia.
• 2018 – Eskola-jazarpenaren aurkako KIVa programa ezartzea.
• 2020 – Lizarra Ikastolaren 50. urteurrena.
• 2020/2021 – Manuel Irujo Saria, XX. edizioa.
  LAUGARREN NAFARROA OINEZ
• 2025 – Ikastolen Hezkuntza Esparru Orokor berria.
• 2027 – BOSGARREN NAFARROA OINEZ