euskara | castellano Facebook

Albisteak

Everesten ere, Oinez Gailurrari babesa eskainizEveresten ere, Oinez Gailurrari babesa eskainiz
2018ko maiatzaren 30a, asteazkena

Alex Txikon alpinista bizkaitarrak Everest mendia —neguan eta oxigenorik gabe—  igotzeko saiakeran huts egin bazuen ere, Oinez Gailurra proiektua babestu zuen bere taldearekin batera Everesteko kanpamentuetako batean.

Urtarrila eta otsaila artean hainbat saiakera egin ostean, gailurra egin gabe itzuli ziren Nepaldik Alex Txikon eta bere taldea. Everesteko puntara iristea lortu ez bazuten ere, Txikon eta bere taldeak Oinez Gailurra babestu nahi izan zuten, gailurretik gertu dagoen kanpamentuetako batean ateratako argazkiarekin.

Aklimatazio lana egin eta ia 8.000 metro arteko bidea prestatu ostean, taldeak ez zuen azken metroak egiterik izan. Hasiera batean eguraldi aurreikuspenak alde bazituzten ere, espero zen eguraldi ona ez zen iritsi.

Neguan eta oxigenorik gabe gailurra egiteko intentzioarekin abiatu zen taldea, eta otsailaren 21erako antolatu zuten gailurra egiteko saiakera. Tontorrera iristeko egunik onena hura izango zela pentsatzen bazuten ere, 100 eta 130 kilometro orduko haize boladak erregistratu ziren, taldearen bizitza arriskuan jar zezaketenak. Saiakera bertan behera utzi ostean, eguraldiak ez zuen hobera egin.

Kontuan izanda otsailaren 28an agortzen zitzaiela Himalayan egoteko baimena —garestia oso—, gailurra egin gabe etxera bueltatzea erabaki zuen Txikonen taldeak.

« itzuli
Ibilbide bat babestu Altsasu

Azken Gailurrak

Peņa Isasa - Errioxan ere, euskararen alde. 2018ko irailaren 16a, igandea

Errioxan ere, euskararen alde.

Peņa Isasa


Bisaurin - Aritz Albisu eta Karlos Murua 2018ko irailaren 15a, larunbata

Aritz Albisu eta Karlos Murua

Bisaurin